Samstarfsverkefni

STAY er evrópskt samstarf sem hefur það að markmiði að takast á við þá áskorun sem oft er kölluð quiet quitting. Hugtakið lýsir því þegar fólk missir áhuga, dregur sig í hlé eða upplifir minni tengsl við nám, starf eða samfélagið. Markmiðið er að efla þátttöku og styrkja tengsl ungs fólks við umhverfi sitt.

Starfið hófst í upphafi árs 2026 og lýkur í desember sama ár. Á þessum tíma vinna samstarfsaðilar að gerð fræðsluefnis sem nýtist bæði ungu fólki og þeim sem starfa með því. Jafnframt verða þróuð verkfæri sem auðvelda samtöl um þátttöku, samskipti og markmið.

Samstarfsaðilar eru Rafíþróttasamband Íslands (RÍSÍ), Pannonia Consulting og Pilcrow. Samstarfið byggir á reynslu þeirra af ungmennastarfi, menntun og samfélagsverkefnum.

Rafíþróttasamband Íslands leiðir þann hluta vinnunnar sem tengist rafíþróttum og stafrænu ungmennastarfi. Þar er litið á rafíþróttir sem vettvang fyrir jákvæð samskipti, samvinnu og félagsleg tengsl.

Fræðsluefnið verður aðgengilegt til notkunar í skólum, ungmennastarfi, félagasamtökum og rafíþróttafélögum. Markmiðið er að skapa efni sem nýtist til framtíðar og styður bæði ungt fólk og þau sem vinna með því.

Funded by the European Union. Views and opinions expressed are however those of the author(s) only and do not necessarily reflect those of the European Union or the European Education and Culture Executive Agency (EACEA). Neither the European Union nor EACEA can be held responsible for them.

Project Identification Number: 2025-2-IS01-KA210-YOU-000367703

Netöryggi í rafíþróttum fyrir alla (e. Cyber Security in Esports for Everybody) er fræðsluverkefni sem hefur það að markmiði að efla netöryggi barna og ungmenna með sérstakri áherslu á leikjaumhverfi og rafíþróttir. Markmiðið er að styðja börn, foreldra og fagfólk með aðgengilegu fræðsluefni um örugga og ábyrga netnotkun.

Fræðsluefnið var þróað í samstarfi við foreldra, sérfræðinga og þátttakendur innan rafíþróttaumhverfisins. Unnið var að gerð handbóka, kynninga og námskeiða sem miðuðu að því að efla þekkingu og öryggi í stafrænum samskiptum.

Lögð var áhersla á helstu áskoranir stafræns umhverfis. Þar var meðal annars farið yfir samskipti á netinu, neteinelti, persónuvernd, rafræn viðskipti í leikjum og áhrif samfélagsmiðla. Jafnframt var áhersla lögð á að hvetja til opinnar umræðu og efla sjálfstraust barna og ungmenna í stafrænum samskiptum.

Þrátt fyrir að verkefninu sé lokið verður áfram unnið að þróun og uppfærslu efnisins með áherslu á nýja tækni, breytilegar netógnir og þróun stafræns umhverfis. Ábendingar og reynsla þátttakenda munu nýtast til að bæta efnið og tryggja að það nýtist sem best ólíkum notendum.

Undirbúningur og þróun kynningar- og stuðningsefnis heldur áfram til að styðja við góða miðlun verkefnisins og efla stafrænt öryggi og ábyrga þátttöku í rafíþróttum. Fræðsluefnið verður nýtt í skólum, rafíþróttafélögum og félagsmiðstöðvum með fjölbreyttum leiðum, svo sem vinnustofum, námskeiðum og stafrænum miðlum, þar á meðal á vefsíðum og samfélagsmiðlum.

Sérfræðingar frá Rafíþróttasambandi Íslands (RÍSÍ) leiddu fræðsluna og unnu náið með aðildarfélögum, skólum og félagsmiðstöðvum. Með því var tryggt að efnið væri lagað að þörfum mismunandi markhópa og að fræðslan væri lifandi, gagnleg og aðgengileg.

Handbækur
Sem hluti af verkefninu voru þróaðar tvær handbækur sem styðja við örugga og ábyrga netnotkun. 

Öruggt stafrænt heimili fjallar um hvernig foreldrar og forráðamenn geta stuðlað að öruggri og ábyrgri netnotkun barna og ungmenna.´Þar er farið yfir helstu áskoranir á stafrænum vettvangi, mikilvægi góðra samskipta og einfaldar leiðir til að efla netöryggi innan heimilisins.

Handbók um netöryggi  veitir hagnýta fræðslu um algengar netógnir, öruggar stafrænar venjur og mikilvægi þess að vernda persónuupplýsingar og aðganga. Sérstök áhersla er lögð á fræðslu um lykilorð, fjölþáttaauðkenningu, netblekkingar og örugga notkun gervigreindar.

Handbækurnar eru aðgengilegar bæði á íslensku og ensku

• Netöryggi á stafrænum vettvangi
• Öruggt stafrænt heimili
• Online Safety in Digital Environment
• A Safe Digital Home

Funded by the European Union. Views and opinions expressed are however those of the author(s) only and do not necessarily reflect those of the European Union or the European Education and Culture Executive Agency (EACEA). Neither the European Union nor EACEA can be held responsible for them.

Project ID: Netöryggisstyrkur Eyvarar NCC-IS.2026

Game Changer er samstarfsverkefni sem Rafíþróttasamband Íslands hefur verið virkur þátttakandi í með samstarfsaðilum frá Svíþjóð, Danmörku, Finnlandi og Íslandi. Game Changer, og framhaldsverkefnið Game Changer 2.0 voru leidd af Ofbeldisforvarnarskólanum (Ofsi) og samstarfsaðilar hafa meðal annars verið Sverok frá Svíþjóð, NORDREF (Nordic Digital Rights and Equality Foundation), Sua Varten Somess frá Finnlandi, SEUL (Finnska rafíþróttasambandið), Digitalt Ansvar og CfDP (Center for Digital Pædagogik) frá Danmörku og Klutz.

Verkefnið á rætur að rekja til niðurstaða rannsókna NORDREF á gerendum stafræns ofbeldis gegn konum og stúlkum á Norðurlöndum. Rannsóknirnar leiddu í ljós að karlar undir þrítugu eru í meirihluta gerenda kynbundins stafræns ofbeldis. Game Changer verkefnið vinnur að því að sporna gegn stafrænu ofbeldi með sérstaka áherslu á að ná til ungra karla með aðferðum sem byggja á leikjamenningu og stafrænu æskulýðsstarfi.

Markmið verkefnisins er að efla stafræn réttindi og borgaravitund ungs fólks. Raddir viðkvæmra hópa, þar á meðal LGBTQ ungmenna, skipta verkefnið miklu máli, ekki síst þar sem þeir hópar verða oftar fyrir því ofbeldi sem Game Changer verkefnið leitast við að fyrirbyggja.

Game Changer verkefnið hefur skipts í tvo áfanga. Fyrri áfanginn hófst í september 2023 og stóð fram í október 2024. Margt var framkvæmt og búið til í verkefninu. Afurðir verkefnisins og nánari upplýsingar er hægt að nálgast á heimasíðu NORDREF, https://www.nordref.org/game-changing-summary , má þar meðal annars nefna handbók fyrir mótshaldara og loka afurð verkefnisins sem var ráðstefna sem haldin var í Gautaborgarháskóla í október 2024. Tengill á handbókina má einnig nálgast neðst í textanum hér.

Í kjölfar fyrsta áfangans hófst næsti áfangi verkefnisins, Game Changer 2.0 sem hófst árið 2024 og lýkur 2026. Markmiðið þess verkefnið er meðal annars að koma á fót Stafrænum ungmenna sendiherrum (Digital Youth Ambassadors) frá hverju Norðurlandi sem þátt tekur í verkefninu. Þeir sendiherrar er ungt fólk sem stuðla að miðlun hugmynda um bestu starfshætti og lausnir við sameiginlegum áskorunum á netinu.

Jafnframt þróar verkefnið Nordic Navigator of Safety and Well-being in Gaming and Digital Spaces, www.nordicnavigator.org , þar sem safnað er saman fjölbreyttu efni, greinum, úrræðum og fleira víðs vegar af Norðurlöndum. Vefsíðan myndar því yfirgripsmikinn gagnagrunn um hvernig megi byggja upp betri, heilbrigðari og öruggari netmenningu fyrir ungmenni og aðra notendur.

Funded by the European Union. Views and opinions expressed are however those of the author(s) only and do not necessarily reflect those of the European Union or the European Education and Culture Executive Agency (EACEA). Neither the European Union nor EACEA can be held responsible for them.

Project Identification Number: 2024-1-IS01-KA220-YOU-000256126

Rafíþróttasamband Íslands er þátttakandi í fjölbreyttum samevrópskum verkefnum. Samstarfsverkefnið Adventures are better Shared! er eitt þeirra verkefna sem RÍSÍ tekur virkan þátt í.

Verkefnið er leitt af Close in the Distance frá Ítalíu sem er almannaheillafélag með reynslumikið starfsfólk úr menntamálum, sálfræði, leiðbeinendum og áfram mætti telja. Með sjálfboðaliðastarfi þeirra leggja samtökin ríka áherslu á að efla börn og ungmenni með fræðslu, þjálfun, námskeiðum og virku samtali fullorðinna og ungmenna. Með áherslu á tölvuleiki vilja samtökin styðja þétt við heilbrigt og öruggt umhverfi fyrir alla án aðgreiningar.

Sverok eru sænsk regnhlífasamtök fyrir fjölda leikjaklúbba í Svíþjóð. Félagið telur meira en 55 þúsund meðlimi og 1700 aðildarfélög. Starfsemi samtakanna kjarnast í kringum fjölbreytta leikjaklúbba fyrir ungmenni sem skipuleggja viðburði í tengslum við tölvuleiki, borðspil, rafíþróttir, hlutverkaleiki og fjölda annarra leikja tengdra áhugasviða. Rík áhersla samtakanna er að aðildarfélög séu lýðræðisleg og bjóði öllum ungmennum upp á skemmtilegt starf án aðgreiningar.

Verkefnið Adventures are better shared! er styrkt af Erasmus+ og hófst í september 2024. Verkefninu er ætlað að efla evrópskt samstarf með samvinnu aðila verkefnisins ásamt því að allar afurðir verkefnisins verða opnar og aðgengilegar fyrir alla áhugasama.

Í verkefninu verða tekin viðtöl við unga og aldna leikjaspilara þar sem ítarleg skoðun verður gerð á jákvæðum birtingarmyndum leikjaspilunar þeirra og hvernig hæfileikar í leikjaspilun þeirra hafa skilað sér í daglegt líf þeirra utan leikja. Í seinni hlutum verkefnisins verður ríkt samstarf og samtal við aðila í menntamálum, meðal annars í gegnum EPALE, og með margvíslegum viðburðum. Viðburðir verða settir á fót fyrir kennara, leiðbeinendur, starfsmenn æskulýðsmála og fleiri hagaðila með áherslu á möguleikum tölvuleikja í kennslu. Allar lokaafurðir verkefnisins verða aðgengilegar fyrir áhugasama þegar að samstarfs verkefninu lýkur.

Hægt er að nálgast nánari upplýsingar um verkefnið á heimasíðu Close in the Distance, https://www.closeinthedistance.com/en/progetti/adventures-are-better-shared, ásamt nánari upplýsingum um félagið.

Nánari upplýsingar um Sverok er hægt að nálgast á heimasíðu þeirra, www.sverok.se

Funded by the European Union. Views and opinions expressed are however those of the author(s) only and do not necessarily reflect those of the European Union or the European Education and Culture Executive Agency (EACEA). Neither the European Union nor EACEA can be held responsible for them.

Project Identification Number: 2024-1-IT02-KA210-ADU-000246576

Rafíþróttasamband Íslands er þátttakandi í fjölbreyttum samevrópskum verkefnum. Samstarfsverkefnið Gaming and Parents! er eitt þeirra verkefna sem RÍSÍ tekur virkan þátt í.

Verkefnið er leitt af Close in the Distance frá Ítalíu sem er almannaheillafélag með reynslumikið starfsfólk úr menntamálum, sálfræði, leiðbeinendum og áfram mætti telja. Með sjálfboðaliðastarfi þeirra leggja samtökin ríka áherslu á að efla börn og ungmenni með fræðslu, þjálfun, námskeiðum og virku samtali fullorðinna og ungmenna. Með áherslu á tölvuleiki vilja samtökin styðja þétt við heilbrigt og öruggt umhverfi fyrir alla án aðgreiningar.

Verkefnið Gaming and Parents! Er styrkt af Erasmus+.  Verkefninu er ætlað að efla evrópskt samstarf með samvinnu aðila verkefnisins ásamt því að allar afurðir verkefnisins verða opnar og aðgengilegar fyrir alla áhugasama.

Í verkefninu eru samstarfsaðilar að skoða tölvuleiki og tölvuleikjanotkun út frá nokkrum áhugaverður sjónarhornum. Til skoðunar verða meðal annars jákvæðar birtingarmyndir af samspilun tölvuleikja hjá foreldrum og börnum þeirra, menntunargildi tölvuleikja, jákvæðar birtingarmyndir af virkri þátttöku foreldra í rafíþróttastarfi barna sinna ásamt fleiri áhugaverðum tengingum leikja og kennslu. Útbúin verður handbók fyrir foreldra um tölvuleiki og hvernig er hægt að nota tölvuleiki sem sameiginlegt fjölskylduáhugamál. Farið verður yfir hvernig leikir ganga fyrir sig, hvernig hægt sé að þekkja jákvæðar afleiðingar leikjaspilunar ásamt hvernig hægt sé að sjá hugsanleg neikvæð merki leikjaspilunar.

Einnig verður útbúinn gagnagrunnur um fjölskylduvæna leiki og margvísleg gögn sem nýtast geta foreldrum, ungmenna stofnunum og öðrum hagaðilum. Skipulögð verður heimsókn þar sem ítölsku samtökin heimsækja Ísland og RÍSÍ til að öðlast innsýn í skipulagt æskulýðsstarf rafíþróttafélaga á Íslandi ásamt því að kynnast hvernig menntastofnanir nýta leiki og tækni í kennslu. Allar lokaafurðir verkefnisins verða aðgengilegar fyrir áhugasama þegar að samstarfs verkefninu lýkur.

Hægt er að nálgast nánari upplýsingar um verkefnið á heimasíðu Close in the Distance, https://www.closeinthedistance.com/en/progetti/gaming-and-parents  ásamt nánari upplýsingum um félagið.

Funded by the European Union. Views and opinions expressed are however those of the author(s) only and do not necessarily reflect those of the European Union or the European Education and Culture Executive Agency (EACEA). Neither the European Union nor EACEA can be held responsible for them.

Project Identification Number: 2023-2-IT02-KA210-ADU-000175959